Find this Story

Print, a form you can hold

Wireless download to your Amazon Kindle

Look for a summary or analysis of this Poem.

Enjoy this? Share it!

A Lown Nicht
by [?]


Rose o’ my hert,
Open yer leaves to the lampin mune;
Into the curls lat her keek an’ dert,
She’ll tak the colour but gie ye tune.

Buik o’ my brain,
Open yer faulds to the starry signs;
Lat the e’en o’ the holy luik an’ strain,
Lat them glimmer an’ score atween the lines.

Cup o’ my soul,
Goud an’ diamond an’ ruby cup,
Ye’re noucht ava but a toom dry bowl
Till the wine o’ the kingdom fill ye up.

Conscience-glass,
Mirror the en’less All in thee;
Melt the boundered and make it pass
Into the tideless, shoreless sea.

Warl o’ my life,
Swing thee roun thy sunny track;
Fire an’ win’ an’ water an’ strife,
Carry them a’ to the glory back.