Bonie Peggy Alison
by
Tune–“The Braes o’ Balquhidder.”
Chor.–And I’ll kiss thee yet, yet,
And I’ll kiss thee o’er again:
And I’ll kiss thee yet, yet,
My bonie Peggy Alison.
Ilk care and fear, when thou art near
I evermair defy them, O!
Young kings upon their hansel throne
Are no sae blest as I am, O!
And I’ll kiss thee yet, yet, etc.
When in my arms, wi’ a’ thy charms,
I clasp my countless treasure, O!
I seek nae mair o’ Heaven to share
Than sic a moment’s pleasure, O!
And I’ll kiss thee yet, yet, etc.
And by thy een sae bonie blue,
I swear I’m thine for ever, O!
And on thy lips I seal my vow,
And break it shall I never, O!
And I’ll kiss thee yet, yet, etc.