FullReads

“I had aye my suspeecions o’ ‘t,” said Sanders.

“Ye hae kent her langer than me,” said Sam’l.

“Yes,” said Sanders, “but there’s nae getting’ at the heart o’ women. Man Sam’l, they’re desperate cunnin’.”

“I’m dootin’ ‘t; I’m sair dootin’ ‘t.”

“It’ll be a warnin’ to ye, Sam’l, no to be in sic a hurry i’ the futur’,” said Sanders.

Sam’l groaned.

“Ye’ll be gaein’ up to the manse to arrange wi’ the minister the morn’s mornin’,” continued Sanders, in a subdued voice.

Sam’l looked wistfully at his friend.

“I canna do ‘t, Sanders,” he said; “I canna do ‘t.”

“Ye maun,” said Sanders.

“It’s aisy to speak,” retorted Sam’l, bitterly.

“We have a’ oor troubles, Sam’l,” said Sanders, soothingly, “an’ every man maun bear his ain burdens. Johnny Davie’s wife’s dead, an’ he’s no repinin’.”

“Ay,” said Sam’l, “but a death’s no a mairitch. We hae haen deaths in our family too.”

“It may a’ be for the best,” added Sanders, “an’ there wid be a michty talk i’ the hale country-side gin ye didna ging to the minister like a man.”

“I maun hae langer to think o’ ‘t,” said Sam’l.

“Bell’s mairitch is the morn,” said Sanders, decisively.

Sam’l glanced up with a wild look in his eyes.

“Sanders!” he cried.

“Sam’l!”

“Ye hae been a guid friend to me, Sanders, in this sair affliction.”

“Nothing ava,” said Sanders; “doun’t mention ‘d.”

“But, Sanders, ye canna deny but what your rinnin’ oot o’ the kirk that awfu’ day was at the bottom o’ ‘d a’.”

“It was so,” said Sanders, bravely.

“An’ ye used to be fond o’ Bell, Sanders.”

“I dinna deny ‘t.”

“Sanders, laddie,” said Sam’l, bending forward and speaking in a wheedling voice, “I aye thocht it was you she likit.”

“I had some sic idea mysel’,” said Sanders.

“Sanders, I canna think to pairt twa fowk sae weel suited to ane anither as you an’ Bell.”

“Canna ye, Sam’l?”

“She wid mak’ ye a guid wife, Sanders. I hae studied her weel, and she’s a thrifty, douce, clever lassie. Sanders, there’s no the like o’ her. Mony a time, Sanders, I hae said to mysel’, ‘There’s a lass ony man micht be prood to tak’.’ A’body says the same, Sanders. There’s nae risk ava, man–nane to speak o’. Tak’ her, laddie; tak’ her, Sanders; it’s a gran’ chance, Sanders. She’s yours for the speerin’. I’ll gie her up, Sanders.”

“Will ye, though?” said Sanders.

“What d’ ye think?” asked Sam’l.

“If ye wid rayther,” said Sanders, politely.

“There’s my han’ on ‘t,” said Sam’l. “Bless ye, Sanders; ye’ve been a true frien’ to me.”

Then they shook hands for the first time in their lives, and soon afterward Sanders struck up the brae to T’nowhead.

Next morning Sanders Elshioner, who had been very busy the night before, put on his Sabbath clothes and strolled up to the manse.

“But–but where is Sam’l?” asked the minister; “I must see himself.”

“It’s a new arrangement,” said Sanders.

“What do you mean, Sanders?”

“Bell’s to marry me,” explained Sanders.

“But–but what does Sam’l say?”

“He’s willin’,” said Sanders.

“And Bell?”

“She’s willin’ too. She prefers ‘t.”

“It is unusual,” said the minister.

“It’s a’ richt,” said Sanders.

“Well, you know best,” said the minister.

“You see the hoose was taen, at ony rate,” continued Sanders, “an’ I’ll juist ging in til ‘t instead o’ Sam’l.”

“Quite so.”

“An’ I cudna think to disappoint the lassie.”

“Your sentiments do you credit, Sanders,” said the minister; “but I hope you do not enter upon the blessed state of matrimony without full consideration of its responsibilities. It is a serious business, marriage.”

“It’s a’ that,” said Sanders, “but I’m willin’ to stan’ the risk.”

So, as soon as it could be done, Sanders Elshioner took to wife T’nowhead’s Bell, and I remember seeing Sam’l Dickie trying to dance at the penny wedding.

Years afterward it was said in Thrums that Sam’l had treated Bell badly, but he was never sure about it himself.

“It was a near thing–a michty near thing,” he admitted in the square.

“They say,” some other weaver would remark, “‘at it was you Bell liked best.”

“I d’na kin,” Sam’l would reply; “but there’s nae doot the lassie was fell fond o’ me; ou, a mere passin’ fancy, ‘s ye micht say.”